Հենրիխ Մխիթարյանի հետ աշխատելը միայն հաճույք է. Լուչեսկի

ԵՐԵՎԱՆ, 15 ՕԳՈՍՏՈՍ, ԱՐՄԵՆՊՐԵՍ: Դոնեցկի «Շախտյոր» ֆուտբոլային ակումբի գլխավոր մարզիչ Միրչա Լուկչեսկուն անդրադարձել է Հայաստանի ֆուտբոլի ազգային հավաքականի եւ «հանքափորների» կիսապաշտպան Հենրիխ Մխիթարայնի խաղին: «Արմենպրես»-ը ներկայացնում է Միստերի հարցազրույցը ռուսական sport-express.ru պարբերականին.

- Պարոն Լուչեսկու դուք միշտ ընդգծում եք, որ «Շախտյոր»-ի յուրաքանչյուր նորեկին`հարմարվելու համար ժամանակէպետք: Ինչպե՞ս եղավ, որերկու տարի առաջ «Մետալուրգ»-իցտեղափոխված Մխիթարյանը կարողացավ ավելի հեշտ ու արագ անցնել այդ շրջանը:

- Ձեզ հետ համամիտ չեմ. նրա համար այդքան էլ հեշտ չէր: Ամեն ինչ ավելի հեշտացավ, քանի որ Հենրիխը ֆուտբոլային բարձր գրագիտություն ունի: «Շախտյոր»-ի այսօրվա փիլիսոփայությանը համապատասխանելը նրա կարևոր հատկանիշն է: Սրան գումարում ենք արագություն, հզորություն, տեխնիկական բարձր պատրաստվածություն: Այս ամենը Հենրիխին տրված է բնությունից ու աճել է մարզումների ընթացքում: Նրա հետ աշխատելը միայն հաճույք է:

- Մի՞թե Մխիթարյանն իրեն քննադատելու առիթ չի տալիս:

- Միշտ էլ կարելի է պատճառ գտնել: Իդեալական ֆուտբոլիստ չկա, բայց կասեմ անկեղծորեն: Մխիթարյանին բավական բարդ է նկատողություն անել, ինչպես խաղի ընթացքում, այնպես էլ դրա ավարտից հետո: Գուցե միայն այն, որ նա երբեմն-երբեմն ավելի շատ է տարվում խաղով: Մխիթարյանի դեպքում լավագույնը կարող է լավի թշնամին դառնալ: Նկատի ունեմ, որ Հենրիխը կատարում է ամեն ինչ, որ ես պահանջում եմ` ինչպես պաշտպանությունում, այնպես էլ հարձակման գծում: Բայց նա անընդհատ, ամեն խաղային դրվագում փորձում է գործել առավելագույնս արդյունավետ, իսկ դա անհնար է: Նա ստեղծել է այնպիսի միջավայր, որ հարգանք է վայելում խաղընկերների մոտ եւ՛ խաղադաշտում, եւ՛ դրա սահմաններից դուրս: Պատանի տարիքում նա վեց ամսով եղել է Բրազիլիա ու այնտեղ սովորել է պորտուգալերեն: Բավական հեռատես որոշում էր. գիտեր, որ «Շախտյորում» հայտնվելու է բրազիլացիների կողքին:

- Եւ կգրավի Ժադցոնի դիրքը:

- Երբ Ժադսոնն առաջին անգամ ակնարկեց «Շախտյոր»-ից հեռանալու մասին` անմիջապես առաջարկեց , որ Հենրիխն իրեն փոխարինի: «Մխիթարյանը վաստակել է իրավունք խաղալու իմ դիրքում», - ասում էր բրազիլացին: Եթե հիշում եք` նա Հայաստանի հավաքականում գործում էր հենակետայինի դիրքում, որը հարձակողական գործողություններ էլ պետք է կատարի:

- Կարելի է ասել, որ Ժադսոնը պետք է պարտական լինի Մխիթարյանին, ով առանց մեծ խնդիրների փոխարինեց «Շախտյոր»-ում ՈՒԵՖԱ-ի գավաթի պատմության մեջ վերջին գոլի հեղինակին: Ի վերջո, Ժադսոնի վերադարձը Բրազիլիա ավելի հեշտ ստացվեց:

-Գուցե եւ այդ տարբերակն ամբողջությամբ հնարավոր է, չնայած այն Ժադսոնի հեռանալու դեպքում միակը չէ: Միայն այդ տեսակ ֆուտբոլիստը կարող էր ամբողջովին գնահատել հակառակորդի տաղանդը և բարձրաձայնել, որ հետո նրա համար դժվար կլինի մրցակցել Մխիթարյանի հետ, ով իրենից հինգ տարով երիտասարդ է:

-Մի անգամ Դուք ինձ ասում էիք, որ չեք ընդունում «փլեյմեյքեր» բառը: Իսկ Ձեր համակարգում յուրաքանչյուր հարձակվող պետք է կարողանա երկուսը մեկում կատարել` և փոխանցումները, և հարձակումն ավարտել գոլով: Այդ դեպքում, ինչպե՞ս կանվանեք Մխիթարյանի խաղային ֆունկցիան «Շախտյոր»-ում:

-Ինձ ամենաքիչն է անհանգստացնում, թե ինչ տերմինով կարելի բնորոշել Հենրիխին: Գլխավոր առավելությունն այն է, որ նա դինամիկ է: Ֆուտբոլիստներրը կարողանում են փոխվել դիրքերով և շատ լավ գիտեն, թե ինչպես է պետք հարձակվել և պաշտպանվել: Ի դեպ, պաշտպանական գծում Մխիթարյանն ավելի վստահ է հանդես գալիս, քան Ժադսոնը, քանի որ ավելի աշխատունակ է, արագ: Ինչ վերաբերում է հարձակմանը, ապա Հենրիխը մի փոքր զիջում է արագության մեջ: Բայց կարծում եմ, որ այն ժամանակավոր է:

- Զրուցել եք արդյո՞ք Մխիթարյանի հետ այն մասին, որ հինգ տուրից հետո նա յոթ գոլով գլխավորում է ռմբարկուների ցանկը:

-Առանձնահատուկ ոչինչ չեմ անում: Պետք է սովորի ավելի հանգիստ լինել հարձակումների վերջնամասում: Պատահում է այնպես, որ Մխիթարյանի արագությունը վերածվում է վիրպումների եւ միայն փորձը կարող է ուղղել իրավիճակը: