Սախարովի հրապարակում ավտոպատահարին զոհ են գնացել «Մերսեդես»-ի վարորդն ու բոլոր ուղեւորները

ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Գյումրիի Սախարովի հրապարակի մոտակայքում տեղի է ունեցել ավտոպատահար, որից կան տուժածներ: Այս մասին տեղեկություն է սացվել օգոստոսի 8-ին` ժամը03.57-ին:Ինչպես«Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մարզային փրկարարական ջոկատը եւ մեկ մարտական հաշվարկ: Պարզվել է, որ «Մերսեդես» մակնիշի20 ՏՏ 529 պետհամարանիշով ավտոմեքենան բախվել է ծաղկի խանութի պատին, ինչի հետեւանքով վարորդ,1988 թ. ծնված Մկրտիչ Մանուկյանը եւ երկու ուղեւորներ տեղում մահացել են, իսկ մեկ ուղեւոր ստացել է ծանր մարմնական վնասվածքներ: Ավտոմեքենայից վառելիքի արտահոսք է եղել: Հրշեջ-փրկարարներն իրականացրել են հերթապահություն: Փրկարարները ավտոմեքենայից դուրս են բերել երեք մահացածներին եւ վիրավորին: Վերջինիս «1-03» ծառայության աշխատակիցները տեղափոխել են «Գյուլբենկյան» հիվանդանոց, սակայն նա ճանապարհին մահացել է: