Սուրեն Առուստամյանը «Նոր ալիք 2012»-ի մրցութային երկրորդ փուլում պահպանեց 8-րդ հորիզոնականը
2 րոպեի ընթերցում
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: «Նոր ալիք 2012» երգի մրցույթի «Երկրի հիթ» մրցութային երկրորդ ծրագրում հուլիսի 26-ինՀայաստանը ներկայացնող Սուրեն Առուստամյանը կատարեցԱվետ Բարսեղյանի հեղինակած, երգիչ Անդրեի կատարմամբ հայտնի «Իմ սերը քեզ» երգը: Ինչպես հաղորդում է«Արմենպրես»-ը` Առուստամյանը ժյուրիի քվեարկության արդյունքում հավաքեց 88 միավոր` գրավելով 8-րդ տեղը, ինչը հնարավորություն տվեց երգչին պահպանել առաջին մրցութային փուլի հորիզոնականը:Սուրեն Առուստամյանը մրցույթում Հայաստանի միակ մասնակիցն է: Նրա երկու մրցութային օրերի հանրագումարային միավորը 180 է:
Մրցութային երրորդ օրը` հուլիսի 29-ին, Հայաստանի ներկայացուցիչը կկատարի Brandon Stone-ի Next to you երգը:
Երկրոդ մրցութային փուլում առաջատար է Կոնստանցիո Դել Պինտոն Իտալիայից, ով հավաքեց 97 միավոր, երկրոդ տեղը 95 միավորով բաժին հասավ առաջին մրցութային օրվա առաջատար, Ռուսաստանի ներկայացուցիչ Մարիա Յերեմչուկին:
«Նոր ալիք 2012»-ի երկրորդ մրցութային օրը հայտարարված է ռոքի օր: Երաժշտական երեկոյի ընթացքում ելույթներով հանդես եկան լեգենդար ռուս ռոքերներ Аквариум, Чайф, Машина времени եւ այլ խմբերից: Ռոք համերգը երգի այս մրցույթում նորարություն է, որի միջոցով կազմակերպիչները որոշել են ընդարձակել մրցույթի լսարանը:
«Նոր ալիք 2012»-ն անցկացվում է Յուրմալայում արդեն 11-րդ անգամ: Երիտասարդ կատարողների միջազգային մրցույթի հատուկ հյուրն է լեգենդար բրիտանացի երգիչ Թոմ Ջոնսը: Հաղթանակի համար երեք մրցութային փուլերում պայքարում է 14 երկրի 16 մասնակից: