396.54
Հայանպաստ օրինագծի նկատմամբ Ֆրանսիան առանձնահատուկ վերաբերմունք ունի. Անրի Ռենո
2 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Հայոց ցեղասպանության ժխտումը քրեականացնող օրինագծի նկատմամբ Ֆրանսիայի Հանրապետությունն ունի առանձնահատուկ վերաբերմունք: Հուլիսի 11-ին լրագրողների հետ հանդիպմանը նման տեսակետ հայտնեց Հայաստանում Ֆրանսիայի արտակարգ եւ լիազոր դեսպան Անրի Ռենոն:
«Ելիսեյան պալատը խորհում է, թե ինչպես այդ օրինագիծը վերադարձնի Ֆրանսիայի խորհրդարան: Սա զուտ ֆրանսիական տեսանկյունից որդեգրված մոտեցում է` առանց որեւէ այլ երկրի միջամտության: Այդ հարցի նրբությունը պայմանավորված է Ֆրանսիայում հայկական ծագում ունեցող համայնքով , որը չափից ավելի ներգրաված է Հայոց ցեղասպանության ժխտումը քրեականացնելու հարցում»,-«Արմենպրես»-ի հաղորդմամբ` նշեց Ռենոն: Դեսպանի խոսքով` հայ համայնքի միջոցով այս հարցը վերաբերում է նաեւ Ֆրանսիային:
«Նախագահի մակարդակով Օլանդը հայտարարել է, որ ծավալելու է այնպիսի գործունեություն, որ նման օրինագիծ դրվի շրջանառության մեջ: Նախընտրական շրջանում ապագա նախագահն ասել էր, որ այդ հարցում չի սպասելու մինչեւ նախագահական մանդատի ավարտը»,-փոխանցեց ֆրանսիացի դիվանագետը:
Ֆրանսիայինախագահ Ֆրանսուա Օլանդը նախորդշաբաթվա վերջում ևս մեկ անգամ հաստատեց, որ Հայոց ցեղասպանության ժխտումը քրեականացնող օրինագիծը Սենատում կդրվի քվեարկության: Այս հայտարարությունը նախագահ Օլանդն արեց Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանի հետ հեռախոսազրույցում: Առաջիկայում սպասվում է նաեւ նախագահ Օլանդի եւ ֆրանսահայ համայնքի ներկայացուցիչների հանդիպումը:
Բաժանորդագրվեք մեր ալիքին Telegram-ում