ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ոստիկանության Երևան քաղաքի վարչության հերթապահ մաս հունիսի 18-ին` ժամը 12.45-ին,անհայտ քաղաքացուց ահազանգ է ստացվել, որ Սեբաստիայի փողոցի «Երևան Սիթի» սուպերմարկետի մոտ «Մերսեդես» մակնիշի ավտոմեքենայի վարորդը վրաերթի է ենթարկել մի երիտասարդի:Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, պարզվել է, որ նույն օրը` ժամը 12.45-ի սահմաններում, «Մերսեդես Բենց Ե-430»-ի վարորդը Սեբաստիայի փողոցի թիվ 78 շենքի դիմաց վրաերթի է ենթարկել 1967 թ. ծնված Միքայել Դավթյանին, ով տեղում մահացել է:Նույն օրը, ժամը 13.05-ին, «Մերսեդես Բենց Ե-430»-ի վարորդը ներկայացել է բաժին և հանձնվել է ՃՏՀ քննության բաժին:
Կատարվում է քննություն: