Կորյուն փողոցում բեռնատարի շրջվելուց տուժել է մայթեզրին կայանված մեքենան
1 րոպեի ընթերցում
![Կորյուն փողոցում բեռնատարի շրջվելուց տուժել է մայթեզրին կայանված մեքենան](http://armenpress.am/resized/480/static/news/b/2012/06/684960.jpg)
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Երեւանի Կորյունի փողոցի թիվ 5 շենքի մոտակայքում շրջվել է բեռնատար ավտոմեքենա: Այս մասին տեղեկություն է ստացվել հունիսի 18-ին` ժամը22.33-ին:Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ճգնաժամային կառավարման կենտրոնի օպերատիվ խումբը: Չպարզված հանգամանքներում «Հինո» մակնիշի064 ԼԼ 26 Պ/Հ բեռնատարը Հերացու փողոցից դեպի Կորյունի փողոց շրջադարձ կատարելիս կողաշրջվել է, ինչից բեռնախցիկից թափված հողազանգվածը հրելով մայթեզրին կայանած «ԲՄՎ» մակնիշի 26 ՏՕ 796 պետհամարանիշի ավտոմեքենան, բախել է թիվ 5 շենքի արտաքին պատին: Միեւնույն ժամանակ բեռնատարի առաջամասին է բախվել «ԿԻԱ» մակնիշիԼ1323 Պ/Հ ավտոմեքենան: «Հինո» մակնիշի մեքենայի վարորդ Ա.Ադամյանը դեպքի վայրից հոսպիտալացվել է Հերացու անվան թիվ մեկ համալսարանական հիվանդանոց, որտեղ հրաժարվելով բուժօգնությունից` դուրս է գրվել: