Սպիտակ-Ապարան ճանապարհի ավտոպատահարից տարեց կին է մահացել

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Սպիտակ-Ապարան ավտոճանապարհի 8-րդ կմ-ում տեղի է ունեցել ճանապարհատրանսպորտային պատահար, կան տուժածներ: Այս մասին ահազանգ է ստացվել հունիսի 17-ին` ժամը18.28-ին:Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Դեռեւս չպարզված հանգամանքներում բախվել են «Գազել» մակնիշի15 ԼՕ 530 պետհամարանիշի եւ «Զիլ53» մակնիշի 39 ԼՕ 387 պետհամարանիշի ավտոմեքենաները:«Գազել» մակնիշի ավտոմեքենայի ուղեւորներ, Երեւանի բնակիչ,1975 թ. ծնված Լալա Մելքոնյանը, Վանաձոր քաղաքի բնակիչ,1939 թ. բնակիչ Վիոլետա Անտոնյանը,1981 թ. ծնված Սարգիս Բեկչյանը, 1957 թ. ծնված Գայանե Բեկչյանը եւ1986 թ. Մոնիկա Չատինյանը տեղափոխվել են Սպիտակ քաղաքի բժշկական կենտրոն, որտեղ Վիոլետա Անտոնյանը մահացել է: Ըստ բժիշկների` Լալա Մելքոնյանի եւ Մոնիկա Չատինյանի վիճակը ծայրահեղ ծանր է, իսկ Սրագիս Բեկչյանինը եւ Գայանե Բեկչյանինը` միջին ծանրության: