ՀՀ Նախագահը նշանակել է կառավարության անդամներին
2 րոպեի ընթերցում
![ՀՀ Նախագահը նշանակել է կառավարության անդամներին](http://armenpress.am/resized/480/static/news/b/2012/06/684784.jpg)
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: ՀՀ Նախագահ Սերժ Սարգսյանը, ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով, հունիսի 16-ին նշանակել է ՀՀ կառավարության անդամներին: Ինչպես «Արմենպրես»-ին տեղեկացրին ՀՀ Նախագահ մամլո գրասենյակից, մասնավորապես, Հանրապետության ղեկավարի հրամանագրերով Սերգո Կարապետյանը նշանակվել է ՀՀ գյուղատնտեսության նախարար, Տիգրան Դավթյանը՝ ՀՀ էկոնոմիկայի նախարար, Վաչե Գաբրիելյանը՝ ՀՀ ֆինանսների նախարար, Գագիկ Բեգլարյանը՝ ՀՀ տրանսպորտի և կապի նախարար, Արտեմ Ասատրյանը՝ ՀՀ աշխատանքի և uոցիալական հարցերի նախարար, Դերենիկ Դումանյանը՝ ՀՀ առողջապահության նախարար, Հրայր Թովմասյանը՝ ՀՀ արդարադատության նախարար, Արամ Հարությունյանը՝ ՀՀ բնապահպանության նախարար, Արմեն Մովսիսյանը՝ ՀՀ էներգետիկայի և բնական պաշարների նախարար, Արմեն Աշոտյանը՝ ՀՀ կրթության և գիտության նախարար, Հասմիկ Պողոսյանը՝ ՀՀ մշակույթի նախարար, Հրաչյա Ռոստոմյանը՝ ՀՀ սպորտի և երիտաuարդության հարցերի նախարար, Հրանուշ Հակոբյանը՝ ՀՀ սփյուռքի նախարար, Սամվել Թադևոսյանը՝ ՀՀ քաղաքաշինության նախարար, Արմեն Գևորգյանը՝ ՀՀ տարածքային կառավարման նախարար:
Նախագահի մեկ այլ հրամանագրով, ՀՀ տարածքային կառավարման նախարար Արմեն Գևորգյանը նշանակվել է փոխվարչապետ: