1 րոպեի ընթերցում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության օրերին Լեհաստանում տեղի ունեցած անկարգությունների մասնակից ձերբակալված ռուս երկրպագուներին բանտային կալանք չի սպառնում: Ինչպես հաղորդում է «Արմենպրես»-ը` վկայակոչելով «Ինտերֆաքս»-ը, այս մասին հայտարարել է Վարշավայի ոստիկանության պաշտոնյա Մացեյ Կարժինսկին: «Նման դեպքերի դիտարկումը կպահանջի մի քանի օր: Տեղի դատարանները պետք է դիտարկեն 120 հայցեր: Այնուհետեև նրանք, ովքեր մեղադրվում են տարբեր իրավախախտումների մեջ, կհեռացվեն Լեհաստանից: Կարող եմ վստահեցնել, որ ձերբակալված ռուսները բանտերում չեն մնա»,- ասել է Կարժինսկին:
Լեհաստան-Ռուսաստան հանդիպումից առաջ և հետո լեհ ու ռուս երկրպագուների միջև տեղի ունեցած բախումների արդյունքում մի խումբ ֆուտբոլասերներ ստացել են տարբեր աստիճանի մարմնական վնասվածքներ: