368.54
Պետական խորհրդանիշների հեղինակային ու մտավոր սեփականության հարցերը կարգավորվում են միջպետական մակարդակում
1 րոպեի ընթերցում
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Դրամական միավորի խորհրդանշանը պետական խորհրդանիշերից մեկն է: Դրա հանդեպ հեղինակային ու մտավոր սեփականության հարցերը, իրավունքի վերաբերյալ վիճաբանություններն արդեն կարգավորվում են միջպետական մակարդակում:
«Արմենպրես»-ի հետ զրույցում նման կերպ մեկնաբանեց իրավաբան Արփինե Հովհաննսիյանը Թուրքիայի կենտրոնական բանկի կողմից մարտի 1-ին հրապարակած երկրի արժույթի` թուրքական լիրայի նոր խորհրդանշանի` հայկական դրամի նշանին նման լինելու հարցը:
«Յուրաքանչյուր նման աշխատանք ունի հեղինակային իրավունք և կարգավորվում է մտավոր սեփականությամբ օրենսգրքով: Սակայն պետությունը, հայտարարելով մրցույց, գնում է ստեղծված մտավոր սեփականության օգտագործման իրավունքը և ըստ այդմ հեղինակն այլևս չի կարող որևէ կերպ այլ կապակցությամբ այն օգտագործել սեփական որոշմամբ»,- նշեց իրավաբանը` հավելելով, որ միաժամանակ Հայաստանի Սահմանադրությամբ չի կարգավորում դրամի խորհրդանշանի դասակարգումը պետական խորհրդանիշների շարքում: «Մենք գիտենք, որ պետական խորհրդանիշների թվին դասվում են դրոշը, զինանշանը, օրհերգը, սակայն դրանց թվում դրամի խորհրդանիշը չի դասվում»,- ամփոփեց Արփինե Հովհաննիսյանը:
Բաժանորդագրվեք մեր ալիքին Telegram-ում