1 րոպեի ընթերցում
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Մոսկվայի «Թանուկի» ռեստորանից դուրս գալիս սպանվել է ռեստորանի սեփականատեր Իրինա Զիրոյանը: Ինչպես հաղորդում է «Արմենպրես»-ը, վկայակոչելով «ՌԻԱ ՆՈՎՈՍՏԻ» գործակալությունը, նա մահացել է հրազենային ծանր վնասվածքից: Իրավապահների կարծիքով, սպանությունը պատվիրված է. հանցագործները կրակելուց հետո նաեւ ստուգողական կրակոց են արձակել զոհի գլխին, նոր հեռացել: Իրավապահները չեն բացառում, որ սպանությունը կապված է հայուհու պրոֆեսիոնալ գործունեության հետ: «ՏՏ» մակնիշի ատրճանակը հանցագործները թողել են դեպքի վայրում: