ՄԱԿ-ի համագործակցությունն այլ կուսակցությունների հետ կորոշվի համագումարից հետո

ԵՐԵՎԱՆ, 22 ՓԵՐՏՐՎԱՐԻ, ԱՐՄԵՆՊՐԵՍ: Միավորված աշխատանքային կուսակցության հնարավոր համագործակցությունն այլ կուսակցությունների հետ պարզ կդառնա մարտի 20-ին կայանալիք համագումարից հետո: Այս մասին «Արմենպրես»-ի հետ զրույցում նշեց ՄԱԿ նախագահ Գուրգեն Արսենյանը: Նա նշեց, որ համագումարը կորոշի, թե որ կուսակցության հետ կհամագործակցի ՄԱԿ-ը:

Լրատվամիջոցներում տեղեկատվություն էր տարածվել, որ հնարավոր է` ԲՀԿ համամասնական ցուցակում ընդգրկվի նաեւ ՄԱԿ նախագահ Գուրգեն Արսենյանը: Անգամ նշվում է, որ հնարավոր է` նա լինի ցուցակի 5-րդ կամ 6-րդ տեղում: