«Շախտյոր»-ի գլխավոր մարզիչը մարզադաշտ կվերադառնա միայն բժիշկների թույլատրումից հետո

ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Ուկրաինական «Շախտյոր»-ի գլխավոր մարզիչ Միրչու Լուչեսկուն ապաքինվում է: Ինչպես հաղորդում է «Արմենպրես»-ը` վկայակոչելով http://shakhtar.com –ը, գլխավոր մարզիչն առաջին անգամ վիրահատությունից հետո հարցազրույց է տվել ակումբի մամլո բաժնին:

Լուչեսկուն պատրաստ է մազրադաշտ վերադառնել, երբ բժիշկները նրան կթույլատրեն: Նա համոզված է, որ «Շախտյոր»-ի մարզումներն առանց իրեն էլ հաջող կանցնեն:

«Ես համոզված եմ, որ տղաները հասկանում են, թե ինչքան մեծ պատասխանատվություն է դրված նրանց վրա: Մարզչական անձնակազմը, Ալեքսանդր Սպիրիդոնի եւ Կարլո Նիկոլինի գլխավորությամբ, լավ ծանոթ են մեր առջեւ դրված պահանջներին եւ նպատակներին»,-ասել է Լուչեսկուն:

Միրչու Լուչեսկուն ավտովթարի էր ենթարկվել հունվարի 6-ին Բուխարեստում: