1 րոպեի ընթերցում
ԵՐԵՎԱՆ, 23 ԴԵԿՏԵՄԵՐԻ, ԱՐՄԵՆՊՐԵՍ: Հայ-իրանական հարաբերությունների դինամիկան Երեւանի պետական համալսարանի իրանագիտության ամբիոնի վարիչ Գառնիկ Ասատրյանը դրական է գնահատում: Ինչպես «Արմենպրես»-ի հետ զրույցում նշեց Ասատրյանը, այդ հարաբերությունները զարգացման ներուժ ունեն: «Կարողություններն ու հնարավորությունները մեծ են, պարզապես երկուստեք ավելի համառորեն պետք է կպչեն գործին: Զարգացման ծավալը մեծ է, միայն թե այն դանդաղ է ընթանում»,-ասաց Ասատրյանը: Նա նշեց, որ հարաբերությունների խորացմանն արագություն հաղորդելու համար անհրաժեշտ է, որ իրանական կողմը գործնական քայլեր ձեռնարկի: Հայաստանն իր բոլոր միջոցները ներդնում է հարաբերությունների ամրապնդման համար:
Դեկտեմբերի 23-ին պաշտոնական այցով Հայաստան է ժամանել Իրանի Իսլամական Հանրապետության նախագահ Մահմուդ Ահմադինեժադը: