1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Եթե Ռուսաստանի «Եդինայա Ռոսիա» կուսակցությունը հավաքել է ավելի քիչ ձայներ, քան նախորդ ընտրություններին, չի նշանակում,որ Հայաստանում կրկնվելու է այդ օրինակը: Ինչպես հաղորդում է «Արմենպրես»-ը, այս տեսակետը դեկտեմբերի 9-ին լրագրողների հետ հանդիպման ժամանակ հայտնեց ՀՀԿ խմբակցության անդամ Մկրտիչ Մինասյանը: «Ժողովրդավարության առումով Հայաստանը մեկ քայլ առաջ է Ռուսաստանից, ուստի այն կարծիքը, թե ՀՀԿ-ն կհետեւի «Եդինայա Ռոսիա»-ի օրինակին, սխալ է: Ամեն դեպքում «Եդինայա Ռոսիա» կուսակցությունը այդքան ձայներ հավաքեց նորմալ, արդար թափանցիկ ընտրությունների արդյունքում»,-ասաց Մինասյանը: