Հանրապետությունում գրանցված 9 ՃՏՊ-ներից զոհվել է 4 մարդ
1 րոպեի ընթերցում
![Հանրապետությունում գրանցված 9 ՃՏՊ-ներից զոհվել է 4 մարդ](http://armenpress.am/resized/480/static/news/b/2011/12/670570.jpg)
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ ոստիկանության ներկայացրած օպերատիվ հաղորդագրությունների ամփոփագրերի համաձայն' նոյեմբերի 30-ից դեկտեմբերի 1-ը հանրապետությունում արձանագրված մարմնական վնասվածք հասցնելու 7 դեպքից բացահայտվել է 5-ը, գողության 6 դեպքից՝ 2-ը, իսկ խարդախության եւ խուլիգանության 2-ական դեպքերն էլ բացահայտվել են: Ինչպես «Արմենպրես»-ին տեղեկացրին ոստիկանության լրատվության եւ հասարակայնության հետ կապերի վարչությունից, նախկինում կատարված հանցագործություններից բացահայտվել է մարմնական վնասվածք հասցնելու եւ գողության 2-ական դեպք:
Անցած օրվա ընթացքում հանրապետությունում արձանագրվել է ճանապարհատրանսպորտային 9 պատահար. 4 մարդ զոհվել է, 12-ը՝ ստացել տարբեր աստիճանի մարմնական վնասվածքներ: