1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: «Ընդդեմ գենդերային բռնության ակտիվության 16-օրյակ»-ի շրջանակներում Կանանց իրավունքների կենտրոնը նոյեմբերի 29-ին կկազմակերպի «Մի լռեք» խորագրով ակցիա: Վերջինիս նպատակը հասարակությանը եւս մեկ անգամ գենդերային բռնության մասին հիշեցնելն է, նաեւ' դրա դեմ պայքարելը:
«Այդ օրը սպիտակ հագուստներով դիմակավոր մարդիկ կքայլեն քաղաքի փողոցներով, որոնց հագուստի վրա գրված կլինեն տառեր: Երեւանի կենտրոնական փողոցներում, հատկապես Հյուսիսային պողոտայում, նրանք կհամախմբվեն եւ կկազմեն «Մի լռեք» արտահայտությունը»,-«Արմենպրես»-ի հետ զրույցում ասաց Կանանց իրավունքների կենտրոնի հասարակայնության հետ կապերի պատասխանատու Դիանա Սարգսյանը:
Նրա խոսքով' ակցիան կտեւի մեկ ժամ, որի ընթացքում մասնակիցները անցորդներին կբաժանեն բուկլետներ, թռուցիկներ ու թեժ գծի հեռախոսահամարներ, որպեսզի ցանկացողներն անվճար խորհրդատվություն: