368.54
Դերասանին խենթություն է անհրաժեշտ. Սմեխով
1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ժամանակակից հանդիսատեսը, որպես կանոն, բեմից ցանկանում է տեսնել աղբ, որը զարդարված է որոշակի քանակությամբ փայլուն աքսեսուարներով: Նոյեմբերի 14-ին լրագրողների հետ հանդիպման ժամանակ նման կարծիք հայտնեց ՌԴ ժողովրդական արտիստ Վենիամին Սմեխովը' հավելելով, որ հանդիսատեսն այսօր քիչ է պահանջում լավ, դասական արվեստի մատուցում: «Դրան էլ ավելացրած' արվեստը շարունակում է մրցել քաղաքականության եւ բիզնեսի հետ եւ հեռուստատեսության պատճառով' պարտվում»,- ասաց դերասանը' չափազանց կարեւորելով ժամանակակից տեխնոլոգիաների եւ համացանցի տիրապետումը դերասանների կողմից: «Սրանց միջոցով դերասանը կարող է ինքնադրսեւորվել»,- ասաց Սմեխովը:
Անդրադառնալով իր ստեղծագործական գործունեության մեկնարկին' նա նշեց, որ իրեն հաջողվել է դերասան դառնալ, ճանաչում ձեռք բերել միայն մի պատճառով. «Ինձ հաջողվեց խենթանալ»,- անկեղծացավ դերասանը' այդ մասնագիտության մեջ կարեւորելով հենց խենթանալու կարողությունը:
Բաժանորդագրվեք մեր ալիքին Telegram-ում