Ֆինանսական հոսքերի կայուն աճ կունենանք. Բագրատ Ասատրյան

ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Հաջորդ տարվա ընթացքում ֆինանսական հոսքերի կայուն աճ կունենանք. մասնավոր տրանսֆերտների մակարդակը կհասնի նախաճգնաժամային իրավիճակին: Լրագրողների հետ հանդիպման ժամանակ այսօր նման համոզմունք հայտնեց Կենտրոնական բանկի նախկին նախագահ Բագրատ Ասատրյանը:

Նրա խոսքով' 2012 թ-ի տնտեսական մարտահրավերներին դիմակայելու համար Հայաստանը պետք է քայլի համաշխարհային տնտեսությանը համընթաց ու «հույսը չդնի միայն Ռուսաստանի հետ համագործակցության վրա»:

Ինչ վերաբերում է Ասատրյանի' 2011թ-ի տնտեսական աճի վերաբերյալ արած կանխատեսումներին, ապա բանախոսը վստահեցրեց, որ դրանք իրականանում են'

4-5 տոկոս տնտեսական աճ ու բարձր գնաճ: