368.54
Ա. Ռենո. «Հայ-ֆրանսիական հարաբերությունների ներկա մակարդակը շատ բարձր է»
1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Հայ-ֆրանսիական հարաբերությունների ներկա մակարդակը շատ բարձր է: «Արմենպրես»-ի հետ զրույցում նման գնահատական տվեց Հայաստանի Հանրապետությունում Ֆրանսիայի Հանրապետության արտակարգ եւ լիազոր դեսպան Անրի Ռենոն' հավելելով, որ հետագայում եւս կողմերը փորձ են անելու ավելի զարգացնել երկկողմանի հարաբերությունները:
«Բոլոր ոլորտներում' քաղաքական, տնտեսական, գիտական եւ մշակութային, հարաբերությունները գերազանց հիմքի վրա են: Մենք բավարարված ենք նաեւ տնտեսական համագործակցության մակարդակով: Ֆրանսիան Հայաստանում արեւմտյան առաջին ներդրողն է: Մենք ցանկանում ենք ամրապնդել հարաբերությունները նաեւ այդ հարթության վրա: Երկու նախագահներն իրենց քննարկումներում կանդրադառնան այդ հարցին եւս»,- ասաց Ա. Ռենոն:
Հիշեցնենք, որ այսօր պաշտոնական այցով Հայաստան է ժամանում Ֆրանսիայի Հանրապետության նախագահ Նիկոլա Սարկոզին:
Բաժանորդագրվեք մեր ալիքին Telegram-ում