368.54
Ռ. Թովմասյան. «Ներկա սոցիալական պայմաններում քաղաքական նման ակտիվությունը ցանկալի չէ»
1 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Ներկա սոցիալական պայմաններում քաղաքական նման ակտիվությունը ցանկալի չէ: Այսօր լրագրողների հետ հանդիպման ժամանակ այսպիսի տեսակետ հայտնեց Հայաստանի կոմունիստական կուսակցության կենտրոնական կոմիտեի առաջին քարտուղար Ռուբեն Թովմասյանը' անդրադառնալով Հայ ազգային կոնգրեսի կողմից անցկացվող հանրահավաքներին:
Խոսելով առաջիկա խորհրդարանական ընտրություններին մասնակցության իրենց ձեւաչափից' Ռ.Թովմասյանը նշեց, որ որեւէ քաղաքական ուժի հետ չեն գնալու դաշինքի, քանի որ իրենց գաղափարական հիմքն այսօրվա դաշտում եզակի է:
«Այս պահին մենք չունենք այն ութ միլիոն դրամը, որ պահանջվում է», - ասաց նա' հույս հայտնելով, որ մինչեւ ընտրությունները ձեռք կբերեն անհրաժեշտ գումարը' ընտրարշավ ծավալելու համար եւ կմտնեն խորհրդարան:
Բաժանորդագրվեք մեր ալիքին Telegram-ում