Բաքվում այսօր մեկնարկում է բռնցքամարտի աշխարհի առաջնությունը

2 րոպեի ընթերցում

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի մայրաքաղաք Բաքվում այսօր մեկնարկում է բռնցքամարտի աշխարհի առաջնությունը, որտեղ Հայաստանը կներկայացնեն 8 բռնցքամարտիկներ: Մեր ընտրանուց առաջինը մրցասպարեզ դուրս կգա 56 կգ քաշային կարգում ելույթ ունեցող Հովհաննես Բաչկովը, ով 1/32-րդ եզրափակչում կմրցի Մոնղոլիան ներկայացնող Օտգոնդալա Դորջնամբուի հետ: Հայ բռնցքամարտիկները հիմնականում պայքարը կսկսեն 1/32-րդ եզրափակչից: Միայն 49 կգ քաշային Հովհաննես Դանիելյանը ասպարեզ դուրս կգա 1/16-րդ եզրափակչից:

60 կգ քաշային Վլադիմիր Սարուխանյանը հոկտեմբերի 1-ին 1/32-րդ եզրափակչում մեկնարկային մենամարտը կանցկացնի ամերիկացի Խոսե Ռամիրեսի հետ: 64 կգ քաշային Հրաչիկ Ջավախյանի մենամարտը տեղի կունենա սեպտեմբերի 30-ին գերմանացի Դավիդ Մյուլլերի հետ:

69 կգ քաշային Սամվել Մաթեւոսյանը կմենամարտի մոնղոլ Տուվշիբաթ Մյանբայի հետ սեպտեմբերի 29-ին: 75 կգ քաշային կարգում Անդրանիկ Հակոբյանն աշխարհի առաջնությունը կսկսի հոկտեմբերի 1-ին, նրա մրցակիցը դեռ հայտնի չէ:

81 կգ քաշային Արթուր Քոչարյանը սեպտեմբերի 28-ին 1/32-րդ եզրափակչի մենամարտում կմրցի իրանցի Էհսան Ռուզբահանիի հետ:

Ռուսաստանի հավաքականի կազմում հանդես են գալիս Դավիթ Հայրապետյանն ու Միշա Ալոյանը, որոնք հաղթողի գլխավոր հավականորդներից են: Նրանց պատճառով առաջնության կազմակերպիչներն անվտանգության նկատառումներով ստիպված էին Ռուսաստանի հավաքականին եւս առանձնացնել մյուս թիմերից եւ Հայաստանի հավաքականի հետ ընդունել առանձին մարզաբազայում:

Աշխարհի առաջնությունը 2012թ. Լոնդոնի Օլիմպիական խաղերի ընտրական մրցաշար է: Ուղեգիր կստանան առաջին ութ տեղերը գրաված բռնցքամարտիկները:

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն