368.54
Կ. Կարապետյան. «Հայ ժողովրդի ամենամեծ ձեռքբերումն անկախ եւ ազատ պետականություն ունենալն է»
1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Հայ ժողովրդի ամենամեծ ձեռքբերումն անկախ եւ ազատ պետականություն ունենալն է: Այս մասին «Արմենպրես»-ի հետ զրույցում նշեց Երեւանի քաղաքապետ Կարեն Կարապետյանը: Նա, շնորհավորելով հայ ժողովրդին Հայաստանի Հանրապետության անկախության 20-ամյակի առթիվ, ասաց, որ յուրաքանչյուր հայ պետք է համոզված լինի' մեր պետությունում բոլոր նախադրյալները կան պայծառ ապագա կառուցելու համար:
«Միանշանակ լավ ապագա ենք ունենալու: Մեր այսօրվա ունեցած անկախությունը մեծ արժեք է, եւ այն պետք է պահպանել: Անկախությունը ոչնչի հետ համատելու չէ»,-ասաց Կ. Կարապետյանը:
Քաղաքապետը նկատեց, որ կան բազմաթիվ դժվարություններ, տնտեսական խնդիրներ, սակայն համոզմունք հայտնեց, որ դրանք բոլորը հաղթահարելի են:
«Ես սրտանց ցանկանում եմ, որ յուրաքանչյուր հայ հպարտանա իր անկախ երկրով, փայփայի այն»,- ասաց Երեւանի քաղաքապետը:
Բաժանորդագրվեք մեր ալիքին Telegram-ում