1 րոպեի ընթերցում
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: «Հայաստանյան շուկայում կարտոֆիլի գնաճը ժամանակավոր բնույթ է կրում եւ շուտով կկարգավորվի»,- լրագրողների հետ հանդիպմանն այսօր վստահեցրեց ՀՀ գյուղատնտեսության նախարար Սերգո Կարապետյանը: Նրա խոսքով' այն կապված է ուշահաս կարտոֆիլի բերքահավաքի հետ, որը դեռ չի սկսվել: «Մինչ այդ գնի փոքր-ինչ բարձրացում կնկատվի, այնուհետեւ նորից կկարգավորվի»,- ասաց նախարարը' հավաստիացնելով, որ բանջարեղենի մյուս տեսակների գնաճ չի գրանցվի: