368.54
Դ. Բաբայան. «Լեռնային Ղարաբաղը պետք է դառնա միջազգային հանրության լիիրավ անդամ»
1 րոպեի ընթերցում
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Միջազգային հանրությունը գալիս է այն եզրակացության, որ Լեռնային Ղարաբաղի ապագա կարգավիճակը չի կարող տարբերվել նրա ներկայիս կարգավիճակից, ինչը դրական է: Այսօր «Արմենպրես»-ի հետ զրույցում նման տեսակետ հայտնեց ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը' անդրադառնալով ԵԱՀԿ գործող նախագահի անձնական ներկայացուցիչ Անջեյ Կասպրշիկի հայտարարությանը, թե Լեռնային Ղարաբաղի հատուկ կարգավիճակը չի կարող էապես տարբերվել այն կարգավճակից, որը Լեռնային Ղարաբաղի Հանրապետությունն ունի այսօր, ուստի անհրաժեշտ կլինի միջանկյալ այդ կազմավորման միջազգային ճանաչումը:
«Լեռնային Ղարաբաղը պետք է դառնա միջազգային հանրության լիիրավ անդամ: Իհարկե, մինչ այդ կան անվտանգության հարցեր, սահմանների ճշտման հետ կապված խնդիրներ»,- շեշտեց Դ. Բաբայանը: Նրա խոսքով' կարգավիճակի շուրջ քննարկումներ, առանց սահմանների համաձայնեցման, քիչ հավանական է, որ տեղի ունենան:
Բաժանորդագրվեք մեր ալիքին Telegram-ում