368.54
Ըստ Գ. Մինասյանի` առկա է իշխանություն-ընդդիմություն քաղաքակիրթ հարաբերություն ստեղծելու ձգտում
1 րոպեի ընթերցում
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Իշխանություն-ընդդիմություն երկխոսություն չկա, պարզապես ներկայում կա իշխանություն-ընդդիմություն քաղաքակիրթ հարաբերություն ստեղծելու ձգտում: Լրագրողների հետ հանդիպման ժամանակ այսօր նշեց ՀՀԿ խմբակցության պատգամավոր, ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը' համոզմունք հայտնելով, որ դա իսկապես մեր պետության, հասարակության զարգացման համար ամենանպաստավոր իրավիճակն է:
«Աշխարհի փորձը ցույց է տալիս, որ ցնցումներով որեւէ տեւական հաջողություն արձանագրելն անհնար է: Միայն էվոլուցիոն, իրենց չհամընկնող դիրքերը քաղաքակիրթ ձեւով ներկայացնելու ճանապարհով է հնարավոր զարգացում ապրել»,- ասաց պատգամավորը' եւս մեկ անգամ ընդգծելով որ իշխանության եւ ընդդիմության միջեւ ոչ թե երկխոսություն է առկա, այլ այն գիտակցումը, որ երկրի տեւական առաջընթացը միայն ու միայն քաղաքակիրթ փոխհարաբերություն ստեղծելու պարագայում է հնարավոր:
Բաժանորդագրվեք մեր ալիքին Telegram-ում