368.54
Ա. Գոչունյան. «Թուրքիայի կողմից հայ-թուրքական հարաբերությունների կարգավորման հարցը որոշ գործընթացներից կախյալ դարձնելը մարտավարական քայլ է»
1 րոպեի ընթերցում
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: «Թուրքիայի կողմից հայ-թուրքական հարաբերությունների կարգավորման հարցը որոշ գործընթացներից կախյալ դարձնելը մարտավարական քայլ է եւ ժամանակ շահելու միջոց»,- «Արմենպրես»-ի հետ զրույցում նման կարծիք հայտնեց Ստամբուլի հայկական «Ժամանակ» թերթի գլխավոր խմբագիր Արա Գոչունյանը: Բազմաթիվ վերլուծաբաններ հայ-թուրքական հարաբերությունների կարգավորման հարցում տեղաշարժ են ակնկալում Թուրքիայում անցկացվելիք խորհրդարանական ընտրություններից հետո:
Անդրադառնալով այս կարծիքին' Արա Գոչունյանը նշեց, որ ինքը հայ-թուրքական հարաբերությունների կարգավորման շուրջ փակուղային վիճակից տեղաշարժը չի կապում ներքաղաքական գործընթացների հետ: «Ես այն անկախ եմ պատկերացնում: Այժմ Թուրքիայում ընտրություններ են, այնուհետեւ ընտրական գործընթացներ են նախատեսված Հայաստանում: Եթե այս տեսանկյունից դիտարկենք' հարցը գնալով կձգձգվի:
Հայ-թուրքական հարաբերությունների կարգավորման հարցն արմատական քայլեր պահանջող ներքաղաքական խնդիրների հետ չպետք է կապել»,- ասաց «Ժամանակ»-ի գլխավոր խմբագիրը: Ըստ նրա' երկկողմ հարաբերությունների կարգավորումը կախված է Թուրքիայից:
Բաժանորդագրվեք մեր ալիքին Telegram-ում