«Շինարարություն եւ վերանորոգում EXPOե յոթերորդ միջազգայինմասնագիտացված ցուցահանդեսին կմասնակցեն շինարարական ապրանքանիշեր Թուրքիայից,Վրաստանից եւ Պարսկաստանից
2 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Երեւանում 2010թ. ապրիլի 2-4-ը կկայանա «Շինարարություն եւ վերանորոգում EXPO- 2009ե խորագրով յոթերորդ միջազգային մասնագիտացված ցուցահանդեսը: Ինչպես «Արմենպրեսե-ին հայտնեցին կազմակերպիչ` « LOGOS EXPO Centerե ցուցահանդեսային ընկերությունից, ավանդական դարձած ամենամյա «Շինարարություն եւ վերանորոգում EXPOե ցուցահանդեսին, որը կազմակերպվում է 7-րդ անգամ, առաջին անգամ կմասնակցեն ամենախոշոր շինարարական ապրանքանիշերը Թուրքիայից, Վրաստանից եւ Պարսկաստանից: Ցուցահանդեսը կազմակերպությունների համար հեռանկարներ է բացում տեղում գործնական հարաբերություններ հաստատելու համար, որն էլ ուղղված է շինարարության ոլորտում առաջադեմ ընկերությունների հետ ինտեգրացմանը, իսկ դա անհրաժեշտ նախադրյալներ է ստեղծում Հայաստանի տնտեսության մեջ միջազգային ներդրումների աճի համար: Ըստ կազմակերպիչ ընկերության` ցուցահանդեսը հատկապես նրանց համար է,ովքեր հաջող կարիերա ստեղծելով հայրենի երկրում, նոր ուղիներ եւ շուկա են որոնում վերջինիս ընդլայնման համար: Ցուցահանդեսի պաշտոնական աջակիցներն են ՀՀ էկոնոմիկայի նախարարությունը, Հայաստանի արդյունաբերողների եւ գործարարների (գործատուների) միությունը, Հայաստանի շինարարների միությունը, Հայաստանի ճարտարապետների միությունը: