1 րոպեի ընթերցում
Հայաստանը հրավիրվել է մասնակցելու Ամերիկայի Միացյալ Նահանգներում կայանալիք Մեծ քսանյակի (G20) գագաթնաժողովին: «Արմենպրես»-ի փոխանցմամբ՝ այս մասին նշված է գագաթնաժողովի պաշտոնական կայքում:
Դեկտեմբերի 14-15-ը Մայամիում կայանալիք գագաթնաժողովին հրավիրվել են մասնակցելու նաև Ադրբեջանը, Ֆինլանդիան, Իռլանդիան, Ղազախստանը, Նիդեռլանդները, Նորվեգիան, Կատարը, Սինգապուրը, Իսպանիան, Արաբական Միացյալ Էմիրությունները, Ուզբեկստանը և Վիետնամը: Հատուկ հրավիրյալների թվում է նաև Լեհաստանը։
G20-ի անդամ երկրներն են Արգենտինան, Ավստրալիան, Բրազիլիան, Կանադան, Չինաստանը, Ֆրանսիան, Գերմանիան, Հնդկաստանը, Ինդոնեզիան, Իտալիան, Ճապոնիան, Մեքսիկան, Ռուսաստանը, Սաուդյան Արաբիան, Հարավային Կորեան, Թուրքիան, Միացյալ Թագավորությունը և Ամերիկայի Միացյալ Նահանգները:
Մեծ քսանյակի գագաթնաժողովին կմասնակցեն նաև Աֆրիկյան Միությունը և Եվրոպական Միությունը: