Հայաստանի բասկետբոլի ֆեդերացիայի նախագահը տեսազանգի ձևաչափով զրուցել է ՖԻԲԱ Եվրոպայի նախագահի հետ
1 րոպեի ընթերցում
Հայաստանի բասկետբոլի ֆեդերացիայի նախագահ Արթուր Նազարյանը տեսազանգի ձևաչափով զրուցել է ՖԻԲԱ Եվրոպայի նախագահ Խորխե Գարբախոսայի հետ։
«Արմենպրես»-ի հաղորդմամբ՝ հանդիպման ընթացքում քննարկվել են հայկական բասկետբոլի զարգացմանը, միջազգային համագործակցության ընդլայնմանը և առաջիկա ծրագրերին առնչվող մի շարք հարցեր։
Խորխե Գարբախոսան բարձր է գնահատել Հայաստանի բասկետբոլի ֆեդերացիայի ակտիվ ներգրավվածությունը եվրոպական բասկետբոլում և իրականացվող աշխատանքները։
Արթուր Նազարյանը ներկայացրել է Հայաստանում դպրոցական և մանկապատանեկան բասկետբոլի զարգացմանն ուղղված ծրագրերը, ինչպես նաև Հայաստանի տարբեր տարիքային հավաքականների առաջիկա անելիքներն ու նպատակները։ Անդրադարձ է կատարվել նաև Հայաստանում միջազգային մրցաշարերի կազմակերպմանը։
Մասնավորապես, Արթուր Նազարյանը վերահաստատել է Երևանի պատրաստակամությունը՝ 2027 թվականին կրկին հյուրընկալելու Եվրոպայի տարիքային առաջնություններից մեկը։ Հանդիպման ավարտին կողմերը կարևորել են ՀԲՖ-ի և ՖԻԲԱ Եվրոպայի միջև համագործակցության շարունակական զարգացումը։