1 րոպեի ընթերցում
Տոմսկի մարզից որսորդը գարնանից ի վեր Ռուսաստանի տարբեր տարածաշրջաններում գորշ արջերի հարձակումների 31-րդ զոհն է դարձել։ «Արմենպրես»-ի փոխանցմամբ` այդ մասին վկայում են «ՌԻԱ Նովոստի» գործակալության տրամադրության տակ եղած տվյալները։
Ինչպես գործակալությանը հայտնել է Տոլպարովսկի գյուղական բնակավայրի վարչակազմի ղեկավար Լյուդմիլա Գավրիլովան, Տոմսկի մարզի տայգայում հայտնաբերվել է որսորդ տղամարդու աճյունը՝ արջի հարձակման հետքերով։
Ավելի վաղ հաղորդվել էր 30 զոհի մասին։ Մահվան երկու դեպք գրանցվել է Բուրյաթիայում, երեքը՝ Կամչատկայում, չորսը՝ Տոմսկի մարզում, ևս մեկական զոհ է եղել Արխանգելսկի մարզում, Խաբարովսկի երկրամասում, Վոլոգդայի մարզում, Տուվայում և Ալթայի Հանրապետությունում։ Իրկուտսկի մարզում զոհվել է յոթ մարդ, Կրասնոյարսկի երկրամասում՝ ինը։