1 րոպեի ընթերցում
Ռուսաստանի արտաքին գործերի նախարար Սերգեյ Լավրովը Թուրքիայի արտաքին գործերի նախարար Հաքան Ֆիդանի հետ Բաքվում քննարկել է առևտրատնտեսական և էներգետիկ համագործակցությունը՝ կենտրոնանալով հիմնական նախագծերի ընթացքի վրա։
«Արմենպրես»-ի փոխանցմամբ՝ այս մասին Ասիայում փոխգործակցության և վստահության ամրապնդման միջոցառումների վերաբերյալ համաժողովի (CICA) 7-րդ գագաթնաժողովի շրջանակներում նախարարների հանդիպումից հետո հայտարարել է Ռուսաստանի արտաքին գործերի նախարարությունը։
«Կայացել է կարծիքների փոխանակում առևտրատնտեսական և էներգետիկ համագործակցության ակտիվացման ընթացիկ խնդիրների շուրջ՝ կենտրոնանալով երկկողմ հիմնական նախագծերի ընթացքի վրա», - նշել է Արտաքին գործերի նախարարությունը։
«Վերանայվել է ամենաբարձր մակարդակներով շփումների ժամանակացույցը», -հավելել է գերատեսչությունը։
Լավրովը և Ֆիդանը վերահաստատել են ռուս-ուկրաինական ճգնաժամի արդարացի կարգավորմանը նպաստելու կարևորությունը։
«Հաստատվել է Ռուսաստանի և Թուրքիայի գործողությունների միջազգային ասպարեզում համակարգման կարևորությունը, այդ թվում՝ Ուկրաինայի շուրջ ճգնաժամի արդարացի կարգավորմանը նպաստելը», - նշված է հաղորդագրության մեջ։