Սոչիում ընտրատեղամասերը մեկուկես ժամով փակվել են ԱԹՍ-ների սպառնալիքի պատճառով

Սոչիում ընտրատեղամասերը դադարեցրել են աշխատանքը մոտավորապես մեկուկես ժամով՝ անօդաչու թռչող սարքի հարձակման սպառնալիքի պատճառով։ «Արմենպրես»-ի փոխանցմամբ՝ այս մասին Telegram-ում գրել է Սոչիի քաղաքապետ Անդրեյ Պրոշունինը։

«Ընտրատեղամասերում գտնվող ընտրական հանձնաժողովի անդամները, դիտորդներն ու ընտրողները տեղափոխվել են ապաստարաններ մինչև «ԱԹՍ-ի հարձակման» վտանգի մասին ազդանշանի չեղարկումը», - տեղական ժամանակով առավոտյան ժամը 9:39-ին գրել է Պրոշունինը։

Ժամը 11:03-ին նա հայտնել է, որ վտանգն անցել է, և ընտրատեղամասերը վերսկսել են աշխատանքը։

Սեպտեմբերի 18-ին Ռուսաստանում մեկնարկել են Պետական ​​դումայի եռօրյա ընտրությունները։