Տոկաևը հրահանգել է արագացնել մինչև 16 տարեկանների կողմից սոցցանցերի օգտագործումն արգելող օրինագծի վրա աշխատանքները
1 րոպեի ընթերցում
Ղազախստանի նախագահ Կասիմ-Ժոմարտ Տոկաևը Հանրապետական համաժողովում իր ելույթում ուրվագծել է կրթական համակարգի հիմնական նպատակները։ «Արմենպրես»-ի փոխանցմամբ՝ այս մասին հաղորդում է Kazinform գործակալությունը։
Ղազախստանի նախագահը նշել է, որ կառավարությանը հանձնարարվել է արագացնել 16 տարեկանից փոքր օգտատերերի համար սոցիալական ցանցերում գրանցումն արգելող օրինագծի վրա աշխատանքները և զբաղվել բովանդակության զտման հարցով։ Համապատասխան օրինագիծը Ղազախստանի խորհրդարան էր ներկայացվել հունիսին։
Տոկաևը շեշտել է, որ չի կարելի հույս դնել միայն ծնողների պատասխանատվության վրա։ Նա հրահանգել է ընդլայնել երեխաների համար պարտադիր SIM քարտերի զանգվածային օգտագործումը՝ որպես «տեղեկատվական անձեռնմխելիության» գործիք։
Տոկաևը կրթական համակարգի առաջնահերթ խնդիրներից է անվանել նաև երկրի բոլոր շրջաններում որակյալ դպրոցների կառուցումը, արդյունավետ բարեփոխումների իրականացումը, երիտասարդների շրջանում թվային գործիքների և արհեստական բանականության օգտագործումը՝ եկամուտ ստանալու համար։