Հայկական ապրանքները մատակարարման նոր ուղի կունենան դեպի չինական շուկա

3 րոպեի ընթերցում

Հայկական ապրանքների՝ դեպի ռուսական շուկա արտահանման սահմանափակումների պայմաններում հայ արտադրողներն ակտիվորեն փնտրում են իրացման նոր և կայուն ուղղություններ։ Հայկական արտադրանքի արտահանման առավել հեռանկարային շուկաներից մեկը դառնում է Չինաստանը։

Չին-հայկական հարաբերությունների տարածաշրջանային զարգացման հիմնադրամը, «Պրոմ Էքսպո» ընկերության և Չինաստանում գործող իր դուստր կառույցի՝ Հայկական առևտրի տան հետ համատեղ, ստեղծել է անհրաժեշտ պայմաններ հայկական արտադրության ապրանքների արտահանման և իրացման համար։ Ձևավորվել է լոգիստիկ և կազմակերպական ենթակառուցվածք, մշակվել են չինական շուկա ապրանքների մատակարարման, պահպանման և առաջխաղացման մեխանիզմները։

Ինչպես «Արմենպրես»-ին տեղեկացրեց հիմնադրամի նախագահ և գործադիր տնօրեն Սերգեյ Ավանեսովը, այս նախաձեռնության շրջանակում առանձնահատուկ նշանակություն ունի հայկական ապրանքների տոնավաճառի կազմակերպումը այս տարվա նոյեմբերին Չենդուում:

«Այն արտադրողներին հնարավորություն կտա իրենց արտադրանքն անմիջականորեն ներկայացնելու չինացի գնորդներին, գործարարներին և դիստրիբյուտորներին, ինչպես նաև հաստատելու նոր գործարար կապեր»,-նշեց Ավանեսովը:

Զուգահեռաբար հիմնադրամը «ՑԱՅԳ» հեռուստաընկերության հետ համատեղ զարգացնում է «Վարդան Մամիկոնյան» լայնածավալ մեդիահարթակը։ Արդեն պատրաստվել են չինարեն պատմամշակութային հանդես և «ՑԱՅԳ» հեռուստաընկերության ստեղծած հատուկ տեսահոլովակ։ Հետագայում նախատեսվում է իրականացնել մեծածավալ մեդիածրագիր, որը կներառի Հայաստանի և Չինաստանի պատմական ու ժամանակակից կապերի, ինչպես նաև երկու երկրների տնտեսական համագործակցության մասին վավերագրական ֆիլմաշար։

Հիմնադրամի, «Պրոմ Էքսպո» ընկերության և Հայկական առևտրի տան ստեղծած արտահանման գործնական մեխանիզմների համադրումը «ՑԱՅԳ» հեռուստաընկերության համակարգված տեղեկատվական աջակցության հետ ձևավորում է հայկական արտադրանքի առաջխաղացման և հայ-չինական հարաբերությունների ամրապնդման համալիր գործիքակազմ։

«Ժամանակակից աշխարհատնտեսական պայմաններում այս նախաձեռնությունը հայ արտադրողների համար իրական հնարավորություններ է ստեղծում՝ մուտք գործելու աշխարհի խոշորագույն սպառողական շուկաներից մեկը»,-համոզված են համագործակցող կողմերը:

Հայերեն English Español Русский 中文

Հրազդանը և Վաղարշապատը մրցում են 2028 թ․ երիտասարդական մայրաքաղաքի կոչման համար․ առցանց քվերարկություն

Արաբական կոալիցիան հաղորդել է Էր Ռիադի վրա հութիների արձակած թևավոր հրթիռի կալանման մասին

Հայտնի են 2027 թվականի ձմեռային զորակոչի և զորացրման ժամկետները

Ֆասթ Բանկն առաջարկում է արագ, առանց միջնորդավճարի ԱՄՆ դոլարով փոխանցումներ

Կառավարությունը 1 տարով կերկարաձգի Ղարաբաղից տեղահանված անձանց ժամանակավոր պաշտպանության կարգավիճակի գործողության ժամկետը

Թուրքմենստանը և Պակիստանը պայմանավորվել են ընդլայնել փոխգործակցությունն էներգետիկայի ոլորտում

Հայաստանի կառավարությունը նախատեսում է վարկ ներգրավել սահմանային անցակետերի արդիականացման համար

Հայաստանն ու Օմանը դիվանագիտական անձնագիր ունեցող անձանց փոխադարձաբար կազատեն վիզայի պահանջից

Գյումրիի գլխավոր տոնածառի և քաղաքի տոնական ձևավորման համար կհատկացվի 37 մլն 350 հազար դրամ

Կանադան լրացուցիչ 31,5 միլիոն դոլար է հատկացրել Ուկրաինային զենքի մատակարարումների համար