2 րոպեի ընթերցում
Երրորդ օրն անընդմեջ Վաշինգտոն նահանգի Սփոքեն քաղաքի ծայրամասերում մոլեգնող անտառային հրդեհները ոչնչացրել են առնվազն 700 շինություն և ստիպել տասնյակ հազարավոր մարդկանց լքել իրենց տները։ Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հայտնել են քաղաքային իշխանությունները։
Սփոքենի շրջանում օգոստոսի 1-ից բռնկված հրդեհներն այրել են մոտ 3,200 հեկտար տարածք։
Սփոքենում բնակվում է շուրջ 230,000 մարդ։
Իշխանությունները հետաքննություն են սկսել՝ պարզելու համար հրդեհի առաջացման պատճառները։
Օգոստոսի 3-ի դրությամբ՝ շուրջ 64,000 մարդ գտնվում էր անհապաղ տարհանման հրահանգների ներքո՝ նախորդ օրվա 4,000-ի համեմատ։ Արտակարգ իրավիճակների կառավարման կենտրոնի խոսնակ Բենջամին Քոսելը հայտնել է, որ առնվազն 700 շինություն ամբողջությամբ այրվել է, հիմնականում՝ բնակելի տարածքներում։
Քոսելը Reuters-ին հայտնել է, որ այս պահի դրությամբ վիրավորների կամ զոհերի մասին տեղեկություններ չկան՝ հավելելով, որ մեծ է հավանականությունը, որ առաջիկա օրերին իրավիճակը կփոխվի, քանի որ կրակը կթուլանա, և որոնողափրկարարական խմբերը կկարողանան հասնել այն ավերված համայնքներ, որոնք դեռևս անհասանելի են հրդեհի ծայրահեղ ակտիվության պատճառով։
Քոսելը հայտնել է, որ օգոստոսի 3-ի դրությամբ Սփոքենի շրջանում բռնկված հրդեհների դեմ պայքարում էր շուրջ 1100 հրշեջ։