Երևանի աղբահանության համակարգը շուտով կհամալրվի 10 նոր սերնդի աղբատար մեքենաներով. Տիգրան Ավինյան
1 րոպեի ընթերցում
Երևանի քաղաքապետ Տիգրան Ավինյանը հայտնել է, որ մայրաքաղաքի աղբահանության համակարգը շուտով կհամալրվի 10 նոր սերնդի աղբատար մեքենաներով։
«Արմենպրես»-ի հաղորդմամբ՝ այս մասին Ավինյանը համապատասխան տեսանյութ է տարածել «Ֆեյսբուք»-ի իր էջում։
Ավինյանի խոսքով՝ նոր մեքենաները պատրաստված են բարձր ամրության պողպատից և համալրված են ժամանակակից տեխնոլոգիական լուծումներով։
«Առաջին անգամ Երևանի աղբատար մեքենաներում կիրառվել է 360° տեսադիտման համակարգ, որը վարորդին ապահովում է ամբողջական տեսանելիություն և բարձրացնում աշխատանքի անվտանգությունը»,-գրել է Երևանի քաղաքապետը։
Նա նաև հավելել է, որ նոր մեքենաները նաև հագեցած են ներկառուցված կշեռքով, որի շնորհիվ վարորդը կարող է իրական ժամանակում վերահսկել մեքենայի ծանրաբեռնվածությունը: