Ֆուտբոլի 1958 թվականի աշխարհի առաջնությունում Պելեի կրած մարզաշապիկը վաճառվել է 4.9 միլիոն դոլարով
1 րոպեի ընթերցում
Ֆուտբոլի 1958 թվականի աշխարհի առաջնության ժամանակ լեգենդար Պելեի հագած մարզաշապիկը վաճառվել է ռեկորդային գնով՝ 4.9 միլիոն դոլարով։
«Արմենպրես»-ի փոխանցմամբ՝ այդ մասին հայտնել է ֆուտբոլային ինսայդեր Ֆաբրիցիո Ռոմանոն։
Նշվում է, որ Բրազիլիայի ազգային հավաքականի լեգենդար ֆուտբոլիստն այդ մարզաշապիկը կրել է 17 տարեկանում՝ մասնակցելով 1958 թվականի ֆուտբոլի աշխարհի առաջնությանը։
Հաղորդվում է, որ այդ մարզաշապիկը դարձել է Պելեին պատկանած և երբևէ վաճառված ամենաարժեքավոր իրը։