1 րոպեի ընթերցում
Իրանի Իսլամական հեղափոխության պահապանների կորպուսի (ԻՀՊԿ) տվյալներով՝ իրանական բանակը ոչնչացրել է առնվազն երկու ամերիկյան կործանիչ Հորդանանի ավիաբազայում։
«Այսօր առավոտյան, ի պատասխան ամերիկյան թշնամու կողմից երեկվա վայրագությունների, ԻՀՊԿ ավիատիեզերական ուժերը սկսել են «Նասր-2» գործողության 20-րդ ալիքը և իրականացրել են Հորդանանի ամերիկյան «Ալ-Ազրաք» ավիաբազայի կործանիչ ինքնաթիռների անգարների և կայանատեղիի վրա ավերիչ հրթիռային և անօդաչու թռչող սարքերի կիրառումը՝ ամբողջությամբ ոչնչացնելով առնվազն երկու կործանիչ և երեք այլ ամերիկյան ինքնաթիռ», - «Արմենպրես»-ի փոխանցմամբ՝ ասվում է ԻՀՊԿ մամուլի ծառայության հայտարարության մեջ։
ԱՄՆ զինված ուժերը հուլիսի 8-ից ի վեր մի քանի հարձակումներ են իրականացրել Իրանի վրա։ ԱՄՆ կենտրոնական հրամանատարությունը պնդել է, որ հարձակումները Հորմուզի նեղուցով անցնող առևտրային նավերի դեմ Իրանի գործողությունների պատասխանն էին։ Իրանի զինված ուժերը հակադարձել են՝ Մերձավոր Արևելքի մի քանի երկրներում գտնվող ամերիկյան բազաների վրա հարվածներով։