2 րոպեի ընթերցում
ԱՆՈՆՍ
06 հուլիս, 2026
ՀՀ նախարարություններ
ժամը 11։00-ին, Ներքին գործերի նախարարությունում (Նալբանդյան 130, Հանրային հաղորդակցության և իրազեկման վարչությունում) տեղի կունենա մամուլի ասուլիս՝ հուլիսի 6-ից վարելու իրավունքի վերականգնման դիմումների և վարորդական վկայականների տրամադրման կարգում փոփոխությունների վերաբերյալ։
Բանախոսներ՝ ՆԳՆ իրավաբանական վարչության պետ Ռուսլան Մարանդյան և Պարեկային ծառայության պետի տեղակալ Արման Չիլինգարյան։
Զանգվածային լրատվամիջոցների գործընկերներին հրավիրում ենք լուսաբանման:
Խնդրում ենք ներկայանալ 15 րոպե շուտ։
Հարցերի դեպքում զանգահարել 011-56-02-63, 010-59-64-20 հեռախոսահամարներով:
Կուսակցություններ, ՀԿ-ներ, միջազգային կազմ-ներ
Ժամը 18:30-ին «Հոլիդեյ Ինն» հյուրանոցում (Հանրապետության հրապարակ, Ամիրյան փողոց 2) «Կոնրադ Ադենաուեր» հիմնադրամը հրավիրում է «Եվրոպական միությունը Հայաստանի համար. արժեքներ, վստահություն, բարեկեցություն» վերնագրով
վերլուծական փաստաթղթի ներկայացմանը։ Ողջույնի խոսք՝ «Քաղաքական երկխոսություն Հարավային Կովկաս» տարածաշրջանային ծրագրի ղեկավար, «Կոնրադ Ադենաուեր» հիմնադրամ Յակոբ Վյոլենշտայն: Հայաստան-ԵՄ հարաբերությունները թևակոխել են որակապես նոր և առավել կառուցվածքային փուլ։ Քաղաքականության վերլուծական փաստաթուղթը կներկայացնի Կովկասի ինստիտուտի փոխտնօրեն, «Կոնրադ Ադենաուեր» հիմնադրամի կրթաթոշակառու, քաղաքական գիտությունների դոկտոր Սերգեյ Մինասյանը։
Մշակույթ
Ժամը 17:00-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Թամանյան» ցուցասրահում /Կառավարական շենք N 3/ տեղի կունենա հայ մեծ ճարտարապետ Ջիմ Թորոսյանի ծննդյան 100-ամյակին նվիրված «Ջիմ Թորոսյան. գեղեցկության վարպետը» խորագրով ցուցահանդեսը: 374 10 524630: