Սուրեն Պետրոսյանը քվեարկել է հանուն «հայկական պետության ձևավորման»

«Ժողովրդավարական համախմբում» կուսակցության ընտրացուցակը գլխավորող Սուրեն Պետրոսյանն ՀՀ Ազգային ժողովի հունիսի 7-ի ընտրություններին քվեարկել է Երևանում 4/49 ընտրատեղամասում։

«Արմենպրես»-ի հաղորդմամբ՝ այս մասին նշված է «Ժողովրդավարական համախմբում» կուսակցության «Ֆեյսբուք»-ի էջում կատարած գրառման մեջ։

Սուրեն Պետրոսյանն էլ իր էջում հայտարարել է. «Կատարեցի իմ ընտրությունը հանուն Հայկական պետության ձևավորման» ։

Հայաստանում հունիսի 7-ի խորհրդարանական ընտրություններին մասնակցելու համար գրանցվել է 18 քաղաքական ուժ՝ 2 դաշինք և 16 կուսակցություն։ Ժամը 08։00-ից մեկնարկել է քվեարկությունը, որը կշարունակվի մինչև 20։00-ն։ Քվեարկության համար Հայաստանի ամբողջ տարածքում ձևավորվել է 2005 ընտրատեղամաս։ Ընտրությունները լուսաբանելու համար հավատարմագրվել է 71 լրատվամիջոց, դիտորդական առաքելություն կիրականացնեն 13 տեղական, 8 միջազգային կազմակերպություններ։