366.85
Հայաստանի անվտանգության խորհրդի քարտուղարը կմասնակցի Դելֆի տնտեսական ֆորումին
1 րոպեի ընթերցում
Հայաստանի Հանրապետության անվտանգության խորհրդի քարտուղար Արմեն Գրիգորյանի գլխավորած պատվիրակությունը կմասնակցի Դելֆի տնտեսական ֆորումին։ «Արմենպրես»-ի փոխանցմամբ՝ այս մասին վարչապետի որոշումը հրապարակված է Էլեկտրոնային կառավարման հարթակում։
«Դելֆի տնտեսական ֆորումին մասնակցելու նպատակով՝ Հայաստանի Հանրապետության անվտանգության խորհրդի քարտուղար Արմեն Գրիգորյանին, անվտանգության խորհրդի քարտուղարի խորհրդական Տաթևիկ Պետրոսյանին և օգնական Սևակ Ղահրամանյանին գործուղել Հունաստանի Հանրապետություն (Դելֆի)»,- նշված է որոշման մեջ։
Պատվիրակությունը Հունաստանում կլինի ապրիլի 21-23-ը ներառյալ։
Բաժանորդագրվեք մեր ալիքին Telegram-ում