1 րոպեի ընթերցում
Բարգավաճ Հայաստան կուսակցության (ԲՀԿ) ընտրական ցուցակի առաջին համարը լինելու է Գագիկ Ծառուկյանը։ «Արմենպրես»-ի հաղորդմամբ՝ ԲՀԿ համագումարից հետո լրագրողների հետ ճեպազրույցում այս մասին հայտարարել է «Առաջարկ Հայաստանին» նախաձեռնությանը միացած «Դեմոկրատական այլընտրանք» կուսակցության քաղաքական խորհրդի նախագահ, քաղաքագետ Սուրեն Սուրենյանցը։
«ԲՀԿ-ի առաջին համարը լինելու է Գագիկ Ծառուկյանը»,- նշել է Սուրենյանցը։
Նա նաև ընդգծել է, որ իրենց քաղաքական ուժը բացառում է համագործակցությունը «Քաղաքացիական պայմանագիր» կուսակցության հետ։
Սուրենյանցի խոսքով՝ քաղաքական դաշտում արդեն ձևավորվում են մի քանի խոշոր կոնսոլիդացիաներ, և առաջիկա ընտրությունները կընթանան այլ սցենարով, քան 2021 թվականին։
Սուրենյանցը հավելել է, որ իրենց քաղաքական թիմը մասնակցում է ընտրություններին հաղթելու նպատակով։
«Մենք գնում ենք ընտրություններին հաղթելու»,- ընդգծել է նա։