Սուրեն Պապիկյանը և ֆրանսիական «Safran Electronics & Defense» ընկերության պաշտպանության գծով ղեկավարը պայմանագիր են ստորագրել
1 րոպեի ընթերցում
Փարիզում մարտի 27-ին Հայաստանի պաշտպանության նախարար Սուրեն Պապիկյանը հանդիպել է ֆրանսիական «Safran Electronics & Defense» ընկերության պաշտպանության գծով ղեկավար Ալեքսանդր Զիգլերի հետ:
«Արմենպրես»-ի փոխանցմամբ՝ Սուրեն Պապիկյանը «Ֆեյսբուք»-ի իր էջում տեսանյութ է հրապարակել հանդիպումից՝ կից գրելով, որ հանդիպման ավարտին ստորագրվել է պայմանագիր:
Ավելի վաղ հայտնել էինք, որ պաշտոնական այցով Ֆրանսիա մեկնած Հայաստանի պաշտպանության նախարարը հանդիպումներ է ունեցել Ֆրանսիայի նախագահի ռազմական գծով խորհրդականի, նաև՝ պաշտպանական ոլորտի ֆրանսիական ընկերությունների ներկայացուցիչների հետ։