Հայաստանում միջպետական և հանրապետական նշանակության բոլոր ավտոճանապարհները բաց են

Հայաստանում միջպետական և հանրապետական նշանակության բոլոր ավտոճանապարհները բաց են։

«Արմենպրես»-ի փոխանցմամբ՝ այս մասին հայտնում է Տարածքային կառավարման և ենթակառուցվածքների նախարարության «Ճանապարհային դեպարտամենտ» հիմնադրամը։

Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները:

Սպիտակի և Դիլիջանի ոլորանները, Վանաձոր-Ալավերդի, Վանաձոր-Դիլիջան, Ոսկեպար-Բաղանիս և Քաջարան-Մեղրի ավտոճանապարհները բաց են բոլոր տեսակի տրանսպորտային միջոցների համար։