1 րոպեի ընթերցում
«Միասնության թևեր» քաղաքական նախաձեռնության ղեկավար Արման Թաթոյանն ու «Հայաքվե» ազգային քաղաքացիական միավորման համակարգող Ավետիք Չալաբյանը փետրվարի 27–ին ստորագրել են համագործակցության հուշագիր։
«Արմենպրես»-ն այս մասին տեղեկանում է «Միասնության թևեր»-ի մամուլի ծառայության տարածած հաղորդագրությունից, որի մեջ ընդգծվում է, որ այսկերպ երկու քաղաքական ուժերը միավորում են իրենց ջանքերը Հայաստանի ապագայի շուրջ միասնական քաղաքական օրակարգ ձևավորելու նպատակով։
Հուշագրով կողմերը հայտարարել են առաջիկա խորհրդարանական ընտրություններին «Միասնության թևեր» քաղաքական միավորի հիման վրա միասնական մասնակցության մասին։
Հայաստանում խորհրդարանական ընտրությունները տեղի կունենան 2026 թվականի հունիսի 7-ին։