Արայիկ Հարությունյանն ու Լիլիթ Մակունցը Լոս Անջելեսում հանդիպել են ՍԴՀԿ ղեկավարների հետ
1 րոպեի ընթերցում
Հայաստանի վարչապետի աշխատակազմի ղեկավար Արայիկ Հարությունյանն ու վարչապետի գլխավոր խորհրդական Լիլիթ Մակունցը Լոս Անջելեսում հանդիպել են Սոցիալ Դեմոկրատ Հնչակյան կուսակցության ղեկավարության հետ՝ կուսակցության ատենապետ Համբիկ Սարաֆյանի գլխավորությամբ։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ վարչապետի աշխատակազմի ղեկավար Արայիկ Հարությունյանը։
«Լոս Անջելեսում հանդիպում ենք ունեցել Սոցիալ դեմոկրատ հնչակյան կուսակցության ղեկավարության հետ ատենապետ Համբիկ Սարաֆյանի գլխավորությամբ:
Ներկայացրել ենք այցի նպատակները, Հայաստանի ներքին և արտաքին քաղաքականության, 2026 թվականի հունիս ամսին կայանալիք խորհրդարանական ընտրությունների շուրջ վերջին զարգացումների հետ կապված հարցերը»,- գրել է Հարությունյանը: