1 րոպեի ընթերցում
ՀՀ Արմավիրի մարզի ընդհանուր իրավասության առաջին ատյանի դատարանը Ամենայն Հայոց կաթողիկոս Գարեգին Բ-ի եղբոր՝ Գևորգ Ներսիսյանի և եղբոր որդու՝ Համբարձում Ներսիսյանի նկատմամբ կիրառված կալանքը փոխարինել է այլընտրանքային խափանման միջոցներով։
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է փաստաբան Արա Զոհրաբյանը՝ մանրամասնելով, որ դատարանի կողմից այլընտրանքային խափանման միջոցներ են սահմանվել տնային կալանքը, 1 միլիոն դրամ գրավը և բացակայելու արգելքը:
Գևորգ և Համբարձում Ներսիսյանները ձերբակալվել էին անցած տարվա նոյեմբերի 3-ին։ ՀՀ քննչական կոմիտեից տեղեկացրել էին, որ նրանց նկատմամբ հանրային քրեական հետապնդում է հարուցվել Քրեական օրենսգրքի 211-րդ հոդվածով (քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը):