Նիկոլ Փաշինյանն անդրադարձել է Թրամփի հայտարարությանը Իրանի հետ փոխգործակցող երկրների համար 25 տոկոս մաքսատուրք սահմանելու որոշման վերաբերյալ
1 րոպեի ընթերցում
Հայաստանն ԱՄՆ նախագահ Դոնալդ Թրամփի՝ Իրանի հետ բիզնես անող բոլոր երկրների նկատմամբ 25 տոկոս մաքսատուրք սահմանելու որոշման բովանդակությանը դե յուրե կծանոթանա և, ըստ անհրաժեշտության, խորհրդակցություններ կսկսի գործընկերների հետ:
«Արմենպրես»-ի հաղորդմամբ՝ այս մասին լրագրողների հետ զրույցում հայտարարեց ՀՀ վարչապետ Նիկոլ Փաշինյանը:
«Դեռ պետք է հիշատակված որոշման բովանդակությանը դե յուրե ծանոթանալ, մենք կծանոթանանք, ծանոթանում ենք բովանդակությանը և, ըստ անհրաժեշտության, խորհրդակցություններ կսկսենք մեր բոլոր առնչվող գործընկերների հետ»,-ասաց Փաշինյանը:
ԱՄՆ նախագահ Դոնալդ Թրամփը հայտարարել է Իրանի հետ բիզնես վարող երկրների նկատմամբ 25% մաքսատուրք սահմանելու մասին։ Նա նշել էր, որ որոշումը վերջնական ու վճռական է: