1 րոպեի ընթերցում
Շիրակի մարզում հունվարի 9-ին ժամը 12.50-ի դրությամբ փակ ճանապարհներ չկան: Ինչպես «Արմենպրես»-ին տեղեկացրին Շիրակի մարզպետի աշխատակազմից, Աշոցքի և Ամասիայի տարածաշրջաններում ձյուն է տեղում։
Քեթիի և Ջաջուռի լեռնանցքները դժվարանցանելի են կցորդով տրանսպորտային միջոցների համար։ Ավտոճանապարհներին տեղ-տեղ մերկասառույց է։
Ճանապարհները սպասարկող ընկերություններն իրականացնում են ձյան մաքրման և աղ-ավազով մշակման աշխատանքներ: Շիրակի մարզային նշանակության ավտոմոբիլային ճանապարհների ընթացիկ ամառային և ընթացիկ ձմեռային պահպանման աշխատանքներն իրականացվում են չորս կազմակերպությունների կողմից։
Մարզպետի աշխատակազմից վարորդներին հորդորում են լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։